Category: INDIA

ന്യൂഡല്‍ഹി: ഉത്തരകാശിയില്‍ തുരങ്കത്തിൽ കുടുങ്ങിയ 40 തൊഴിലാളികളെ സുരക്ഷിതമായി രക്ഷിക്കാൻ സാധ്യമായ എല്ലാ ശ്രമങ്ങളും അധികൃതര്‍ നടത്തിവരികയാണ്. രാജ്യത്തുടനീളവും ലോകമെമ്പാടുമുള്ള വിദഗ്ധരുമായി കൂടിയാലോചന നടത്തി ആധുനിക യന്ത്രങ്ങളുടെ സഹായത്തോടെ ഡ്രില്ലിംഗ് നടത്താനാണ് തീരുമാനം. ഇതുവരെ 21 മീറ്റർ ഡ്രില്ലിംഗ് നടത്തിയതായാണ് വിവരം. വ്യാഴാഴ്ച രാവിലെ 10.30ന് പുതിയ അമേരിക്കൻ നിര്‍മ്മിത ഓഗർ യന്ത്രം ഉപയോഗിച്ച് ഡ്രില്ലിംഗ് ആരംഭിച്ചു. വെള്ളിയാഴ്ച രാവിലെ 6.30 വരെ 21 മീറ്റർ വരെ ഡ്രില്ലിംഗ് നടത്തിയിട്ടുണ്ട്. 60 മീറ്റർ വരെ ഇനിയും ഡ്രില്ലിംഗ് നടത്തണമെന്നാണ് വിവരം. ഉത്തരകാശിയിലെ സിൽക്യാര തുരങ്കത്തിന്റെ ഒരു ഭാഗം തകർന്നതിനെത്തുടർന്ന് 40 തൊഴിലാളികൾ കഴിഞ്ഞ 6 ദിവസമായി കുടുങ്ങിക്കിടക്കുകയാണ്. വ്യാഴാഴ്ച പുതിയ അമേരിക്കൻ ആഗർ മെഷീൻ സ്ഥാപിച്ച് രക്ഷാപ്രവർത്തനം വീണ്ടും ആരംഭിച്ചിട്ടുണ്ട്. സംസ്ഥാന സർക്കാരിന്റെ അഭ്യർത്ഥന പ്രകാരം പ്രധാനമന്ത്രിയുടെ ഓഫീസ് ഇടപെട്ടാണ് ഈ യന്ത്രം ലഭ്യമാക്കിയതെന്നാണ് വിവരം. ചൊവ്വാഴ്ച…

ചെന്നൈ: അടുത്തിടെ തമിഴ്നാട് നിയമസഭ പാസാക്കിയ ബില്ലുകൾ അംഗീകരിക്കാത്തതിൽ ഗവർണർ ആർഎൻ രവിക്കെതിരെ സുപ്രീം കോടതി രൂക്ഷ വിമര്‍ശനം ഉന്നയിച്ചിരുന്നു. ഗവര്‍ണ്ണറുടെ നടപടിയില്‍ അതൃപ്തി പ്രകടിപ്പിച്ച ചീഫ് ജസ്റ്റിസ് ഡി.വൈ. ചന്ദ്രചൂഡ് അദ്ധ്യക്ഷനായ ബെഞ്ച് വിഷയം ആശങ്കാജനകമാണെന്ന് വിശേഷിപ്പിച്ചു. പത്ത് ബില്ലുകളാണ് ഗവർണർ തിരിച്ചയച്ചത്. ബില്ലുകൾ തിരിച്ചയച്ച് മണിക്കൂറുകൾക്ക് ശേഷം നിയമസഭാ സ്പീക്കർ എം അപ്പാവു ശനിയാഴ്ച പ്രത്യേക സമ്മേളനം വിളിച്ചുകൂട്ടി. ബി.ജെ.പി നിയമിച്ച ഗവർണർ ബില്ലുകളുടെ അംഗീകാരം മനഃപൂർവം വൈകിപ്പിക്കുകയും തിരഞ്ഞെടുക്കപ്പെട്ട സർക്കാരിനെ ദുർബലപ്പെടുത്തി സംസ്ഥാനത്തിന്റെ വികസനം തടസ്സപ്പെടുത്തുകയും ചെയ്‌തെന്ന് തമിഴ്‌നാട് സർക്കാർ ആരോപിച്ചു. പ്രത്യേക യോഗത്തില്‍, അനുമതിക്കായി അയച്ച ബില്ലുകളിൽ പലതും ഗവർണർ രവി സർക്കാരിന് തിരിച്ചയച്ചതായി അപ്പാവു പറഞ്ഞു. ഇത്തരം ബില്ലുകൾ ഉടൻ വീണ്ടും പാസാക്കാനാണ് സംസ്ഥാന സർക്കാർ ഉദ്ദേശിക്കുന്നതെന്നും അതിനാൽ നവംബർ 18ന് നിയമസഭ ചേരുമെന്നും അദ്ദേഹം പറഞ്ഞു. നാല് ഔദ്യോഗിക…

നാഗ്പൂര്‍: ഇസ്രായേലും ഹമാസും തമ്മിലുള്ള യുദ്ധം അവസാനിക്കുന്നതിനു പകരം ദിനംപ്രതി അപകടകരമായ രീതിയായി മാറുകയാണ്. ഈ യുദ്ധത്തിലെ പോരാട്ടം ഇപ്പോൾ ഗാസയിലെ ഏറ്റവും വലിയ ആശുപത്രിയായ അൽ ഷിഫയെ കേന്ദ്രീകരിച്ചാണ്. ബുധനാഴ്ച പുലർച്ചെ ഇസ്രായേൽ സൈന്യം ആശുപത്രിയിൽ പ്രവേശിച്ച് ഹമാസിനെതിരെ ഓപ്പറേഷൻ ആരംഭിച്ചു. വടക്കൻ ഗാസയിൽ തങ്ങളുടെ സൈന്യം പൂർണ നിയന്ത്രണം നേടിയതായും ഇസ്രായേൽ അവകാശപ്പെടുന്നു. ഇസ്രായേലും ഹമാസും തമ്മിലുള്ള രക്തരൂക്ഷിതമായ യുദ്ധം അവസാനിപ്പിക്കാൻ ലോകമെമ്പാടും പല ശ്രമങ്ങളും നടക്കുന്നുണ്ട്. പല മുസ്ലീം രാജ്യങ്ങളും നിരവധി തവണ കൂടിക്കാഴ്ച നടത്തി. ഡബ്ല്യുഎസ്ഒ ഉൾപ്പെടെ നിരവധി അന്താരാഷ്ട്ര ഏജൻസികളും അഭ്യര്‍ത്ഥിക്കുകയും ചെയ്തുകൊണ്ടിരിക്കുന്നു. അതിനിടെ, ലോകത്ത് നടക്കുന്ന യുദ്ധങ്ങൾ അവസാനിപ്പിക്കാൻ രാഷ്ട്രീയ സ്വയംസേവക് സംഘ് (ആർഎസ്എസ്) മേധാവി മോഹൻ ഭാഗവതും രംഗത്തെത്തി. അഹിംസയിലൂടെ മാത്രമേ തർക്കം അവസാനിപ്പിക്കാൻ കഴിയൂവെന്ന് അദ്ദേഹം പറഞ്ഞു. നാഗ്പൂരിലെ ഒരു ജൈന ക്ഷേത്രത്തിൽ നടന്ന ചടങ്ങിൽ…

ഇം‌ഫാല്‍: മണിപ്പൂരിലെ കുക്കി-ജോ ഗോത്രങ്ങളുടെ ഒരു പ്രമുഖ സംഘടന തങ്ങളുടെ ആധിപത്യത്തിന് കീഴിലുള്ള പ്രദേശങ്ങളിൽ, കേന്ദ്രം അംഗീകരിച്ചാലും ഇല്ലെങ്കിലും “പ്രത്യേക സ്വയംഭരണാവകാശം” സ്ഥാപിക്കുമെന്ന് അവകാശപ്പെട്ടു. മണിപ്പൂരിലെ കുക്കി-ജോ ഗോത്രവർഗക്കാരുടെ സംഘടനയായ ഇൻഡിജിനസ് ട്രൈബൽ ലീഡേഴ്‌സ് ഫോറം (ഐടിഎൽഎഫ്) ആദിവാസികൾ ഭൂരിപക്ഷമുള്ള പ്രദേശങ്ങളിൽ “പ്രത്യേക സ്വയംഭരണ ഭരണം” സ്ഥാപിക്കുമെന്ന് കേന്ദ്ര സര്‍ക്കാരിന് അന്ത്യശാസനം നല്‍കി. വടക്കുകിഴക്കൻ സംസ്ഥാനത്ത് വംശീയ സംഘർഷം ആരംഭിച്ച് ആറ് മാസത്തിലേറെയായിട്ടും പ്രത്യേക ഭരണം എന്ന തങ്ങളുടെ ആവശ്യം കേന്ദ്ര സർക്കാർ ഇതുവരെ അംഗീകരിച്ചിട്ടില്ലെന്ന് സംഘടനാ നേതാക്കള്‍ പറഞ്ഞു. ഏതാനും ആഴ്ചകൾക്കുള്ളിൽ ഞങ്ങളുടെ ആവശ്യങ്ങൾ അംഗീകരിച്ചില്ലെങ്കിൽ, കേന്ദ്രം അംഗീകരിച്ചാലും ഇല്ലെങ്കിലും ഞങ്ങൾ സ്വയം ഭരണം സ്ഥാപിക്കുമെന്ന് ഐടിഎൽഎഫ് ജനറൽ സെക്രട്ടറി മുവാൻ ടോംബിംഗ് പറഞ്ഞു. ചുരാചന്ദ്പൂരിൽ ആദിവാസികൾ കൊല്ലപ്പെട്ട സംഭവത്തിൽ സെൻട്രൽ ബ്യൂറോ ഓഫ് ഇൻവെസ്റ്റിഗേഷൻ (സിബിഐ) അല്ലെങ്കിൽ ദേശീയ അന്വേഷണ ഏജൻസി (എൻഐഎ) അന്വേഷിക്കണമെന്ന്…

ന്യൂഡല്‍ഹി: ന്യൂഡൽഹിയിൽ നിന്ന് ബീഹാറിലെ ദർഭംഗയിലേക്ക് പോവുകയായിരുന്ന ട്രെയിനിന് തീപിടിച്ചു. കഴിഞ്ഞ മൂന്ന് ദിവസത്തിനിടെ നടക്കുന്ന രണ്ടാമത്തെ വലിയ അപകടമാണിതെന്ന് പറയപ്പെടുന്നു. സരായ് ഭൂപത് റെയിൽവേ സ്റ്റേഷന് സമീപമായിരുന്നു അപകടം. ബോഗി പൂർണമായും കത്തിനശിച്ചിട്ടുണ്ട്. ട്രെയിനിന് ശേഷിയേക്കാൾ ഇരട്ടി യാത്രക്കാർ ഉണ്ടായിരുന്നുവെന്നാണ് റിപ്പോർട്ട്. തീപിടിച്ച ഉടൻ പുറത്തേക്ക് ചാടിയാണ് യാത്രക്കാർ ജീവൻ രക്ഷിച്ചത്. അതേ സമയം ഒരു ബോഗി പൂർണമായും കത്തിനശിച്ചു. കൂടുതൽ അപ്ഡേറ്റുകൾ പുരോഗമിക്കുന്നു….

ന്യൂഡൽഹി: ചൊവ്വാഴ്ചത്തെ പ്രതികൂല കാലാവസ്ഥയ്ക്കിടയിൽ ഡൽഹിയിലെ വായു മലിനീകരണം വീണ്ടും “ഗുരുതരമായ” വിഭാഗത്തിലേക്ക് അടുക്കുന്നു. തലസ്ഥാനത്തെ 24 മണിക്കൂർ ശരാശരി എയർ ക്വാളിറ്റി ഇൻഡക്‌സ് (എക്യുഐ) 397 ആയി. എല്ലാ ദിവസവും വൈകിട്ട് 4 മണിക്ക് രേഖപ്പെടുത്തിയതനുസരിച്ച് ഞായറാഴ്ച 218 ആയിരുന്നെങ്കില്‍ തിങ്കളാഴ്ച അതിലും മോശമായി 358 ൽ എത്തി. ഐടിഒ (427), ആർകെ പുരം (422), പഞ്ചാബി ബാഗ് (423), നെഹ്‌റു നഗർ (450), ആനന്ദ് വിഹാർ (439), എന്നിവയുൾപ്പെടെ നഗരത്തിനുള്ളിലെ പല സ്ഥലങ്ങളിലും വായു മലിനീകരണ തോത് ഗുരുതരമായ വിഭാഗത്തിൽ (എക്യുഐ 400 ന് മുകളിൽ) എത്തിയിരിക്കുകയാണ്. അയൽപക്കത്തുള്ള ഗാസിയാബാദ് (356), ഗുരുഗ്രാം (386), ഗ്രേറ്റർ നോയിഡ (348), നോയിഡ (364), ഫരീദാബാദ് (384) എന്നിവിടങ്ങളിലും വളരെ മോശം വായു നിലവാരമാണ് രേഖപ്പെടുത്തിയിരിക്കുന്നത്. മലിനീകരണ തോത് കുതിച്ചുയരുകയും, ദീപാവലി രാത്രിയിൽ ആളുകൾ പടക്ക നിരോധനം…

ന്യൂഡല്‍ഹി: ഗാസയിലെ ഇസ്രായേൽ ആക്രമണത്തിനെതിരായ രോഷവും അമര്‍ഷവും പ്രകടിപ്പിച്ച് വടക്കേ ഇന്ത്യയുടെ ചില ഭാഗങ്ങളിൽ ബിസിനസ് സ്ഥാപനങ്ങള്‍ ഇസ്രായേലിലും അമേരിക്കയിലുമുള്ള കമ്പനികള്‍ നിർമ്മിക്കുന്ന ഉൽപ്പന്നങ്ങൾ ബഹിഷ്കരിക്കാൻ തീരുമാനിച്ചു. ഫലസ്തീനോടും അവിടുത്തെ ജനങ്ങളോടും ഐക്യദാർഢ്യം പ്രകടിപ്പിച്ച് മുസ്ലീം കടയുടമകൾ പെപ്‌സി, കൊക്ക കോള തുടങ്ങിയ ജനപ്രിയ ഉൽപ്പന്നങ്ങൾ സ്റ്റോക്ക് ചെയ്യാൻ വിസമ്മതിക്കുന്നതായി റിപ്പോര്‍ട്ടുകള്‍ സൂചിപ്പിക്കുന്നു. ബഹിഷ്‌കരണം തീർച്ചയായും തന്റെ വരുമാനത്തെ ബാധിക്കുമെന്നും എന്നാൽ ഇത് ഇസ്രായേലിനെയും അമേരിക്കയെയും ബാധിക്കുമെന്നും ഒരു ഉത്തരേന്ത്യൻ സംസ്ഥാനത്തെ ഒരു കടയുടമയായ മുഹമ്മദ് നദീം പറയുന്നു. ഞങ്ങൾ അവരുടെ ഉല്പന്നങ്ങള്‍ ബഹിഷ്‌കരിക്കുമ്പോൾ, അവരുടെ സമ്പദ്‌വ്യവസ്ഥയെ ഏതെങ്കിലും വിധത്തിൽ ബാധിക്കും, അത് ഇതിനകം ആരംഭിച്ചു കഴിഞ്ഞു എന്ന് നദീം പറഞ്ഞു. ഇസ്രായേൽ, യുഎസ് ഉൽപ്പന്നങ്ങൾ വാങ്ങേണ്ടതില്ലെന്ന് പല നാട്ടുകാരും തീരുമാനിച്ചിട്ടുണ്ട്. കൂടുതൽ യുദ്ധങ്ങൾ ആഗ്രഹിക്കുന്നില്ലെന്ന് വ്യക്തമാക്കുന്ന പലരും ഇതേ അഭിപ്രായമാണ് പറഞ്ഞത്. ഹമാസിനെ ഇല്ലാതാക്കാനാണെന്ന വ്യാജേന…

ന്യൂഡല്‍ഹി: 42-ാമത് ഇന്ത്യ ഇന്റർനാഷണൽ ട്രേഡ് ഫെയർ നവംബർ 14 ന് ന്യൂഡൽഹിയിലെ പ്രഗതി മൈതാനിയിൽ വാണിജ്യ-വ്യവസായ സഹമന്ത്രി സോം പ്രകാശിന്റെ അദ്ധ്യക്ഷതയിൽ സംസ്ഥാന സഹമന്ത്രി അനുപ്രിയ പട്ടേൽ ഉദ്ഘാടനം ചെയ്യും. സുസ്ഥിര വളർച്ചയും ക്ഷേമവും കൈവരിക്കുന്നതിന് പരസ്പര ബന്ധത്തിന്റെയും വ്യാപാര സഹകരണത്തിന്റെയും പ്രാധാന്യം ഊന്നിപ്പറയുന്ന പുരാതന ഇന്ത്യൻ തത്ത്വചിന്തയിൽ നിന്ന് പ്രചോദനം ഉൾക്കൊണ്ടാണ് “വസുധൈവ കുടുംബകം” എന്ന ഐഐടിഎഫിന്റെ ഈ വർഷത്തെ പ്രമേയം. ഇന്ത്യൻ ഉൽപന്നങ്ങൾ പ്രദർശിപ്പിക്കുന്നതിനും ഇന്ത്യൻ സമ്പദ്‌വ്യവസ്ഥയിൽ നവോന്മേഷവും ഊർജവും പകരുന്നതിനും ഐഐടിഎഫ് അനുയോജ്യമായ ഒരു പ്ലാറ്റ്ഫോം വാഗ്ദാനം ചെയ്യുന്നു. ഇന്ത്യയിൽ നിന്നും വിദേശത്തു നിന്നുമായി ഏകദേശം 3,500 പ്രദർശകരുള്ള IITF 2023 110,000 ചതുരശ്ര മീറ്റർ വിസ്തൃതിയിലാണ്. ഈ പരിപാടിയുടെ പങ്കാളി സംസ്ഥാനങ്ങളിൽ ബീഹാറും കേരളവും ഉൾപ്പെടുന്നു. അതേസമയം, ഡൽഹി, ജമ്മു & കാശ്മീർ, ജാർഖണ്ഡ്, മഹാരാഷ്ട്ര, ഉത്തർപ്രദേശ് എന്നിവ ശ്രദ്ധാകേന്ദ്രമായ…