മോസ്കോയ്ക്കെതിരായ നിയമവിരുദ്ധ ഉപരോധം പാശ്ചാത്യ രാജ്യങ്ങൾ നീക്കം ചെയ്തതിന് ശേഷം മാത്രമേ അന്താരാഷ്ട്ര ബഹിരാകാശ നിലയവുമായി (ഐഎസ്എസ്) സാധാരണ ബന്ധം പുനഃസ്ഥാപിക്കുകയുള്ളൂവെന്ന് റഷ്യയുടെ ബഹിരാകാശ ഏജൻസി മേധാവി പറഞ്ഞു. മോസ്കോയ്ക്കെതിരായ “നിയമവിരുദ്ധമായ ഉപരോധം” നീക്കുന്നത് വരെ റഷ്യ ഐഎസ്എസുമായി ബന്ധപ്പെട്ട് പാശ്ചാത്യ രാജ്യങ്ങളുമായുള്ള സഹകരണം താൽക്കാലികമായി നിർത്തിവയ്ക്കുമെന്ന് റഷ്യൻ ബഹിരാകാശ ഏജൻസി റോസ്കോസ്മോസിന്റെ ഡയറക്ടർ ജനറൽ ദിമിത്രി റോഗോസിൻ ശനിയാഴ്ച പറഞ്ഞതായി അന്താരാഷ്ട്ര മാധ്യമങ്ങള് റിപ്പോർട്ട് ചെയ്തു. റഷ്യൻ സമ്പദ്വ്യവസ്ഥയെ തകര്ക്കുകയും റഷ്യന് ജനതയെ നിരാശയിലേക്കും പട്ടിണിയിലേക്കും തള്ളിവിടുകയും രാജ്യത്തെ മുട്ടുകുത്തിക്കുകയും ചെയ്യുക എന്നതാണ് ഈ ഉപരോധങ്ങളുടെ ലക്ഷ്യമെന്ന് ഒരു സോഷ്യൽ മീഡിയ പോസ്റ്റിൽ അദ്ദേഹം പറഞ്ഞു. “അവർ അതിൽ വിജയിക്കില്ല, പക്ഷേ ഉദ്ദേശ്യങ്ങൾ വ്യക്തമാണ്” എന്നും അദ്ദേഹം ഊന്നിപ്പറഞ്ഞു. “അതുകൊണ്ടാണ് അന്താരാഷ്ട്ര ബഹിരാകാശ നിലയത്തിലെ (ISS) പങ്കാളികളും മറ്റ് പ്രോജക്റ്റുകളും തമ്മിലുള്ള സാധാരണ ബന്ധം പുനഃസ്ഥാപിക്കുന്നത്…
Category: AMERICA
ചാക്കോ കുര്യൻ ഫൊക്കാന 2022 -2024 ലെ ഭരണസമിതിയിൽ വൈസ് പ്രസിഡന്റ് സ്ഥാനത്തേക്ക് മത്സരിക്കുന്നു
ഫ്ലോറിഡ:ഫൊക്കാനയുടെ 2022 -2024 ലെ ഭരണസമിതിയിൽ വൈസ് പ്രസിഡണ്ട് ആയി ഒർലാണ്ടോയിലെ നിന്നുള്ള പ്രമുഖ സംഘടനാ നേതാവ് ചാക്കോ കുര്യൻ മത്സരിക്കുന്നു. ജൂലൈ 7 മുതൽ 11 ഒർലാണ്ടോയിൽ നടക്കുന്ന ഫൊക്കാന ഡിസ്നി വേൾഡ് ഇന്റർനാഷണൽ കൺവെൻഷന്റെ നാഷണൽ ചെയർമാൻ നിലവിൽ ഫൊക്കാനയുടെ നാഷണൽ കമ്മിറ്റി അംഗമായ ചാക്കോ കുര്യൻ. ഫൊക്കാനയുടെ വിവിധ തലങ്ങളിൽ മൂന്നു പതിറ്റാണ്ടിലേറെ പ്രവർത്തിച്ച മുതിര്ന്ന നേതാവായ ചാക്കോ കുര്യൻ ഒര്ലാന്ഡോ റീജിയണല് മലയാളി അസോസിയേഷ(ഓർമ്മ)നെ പ്രതിനിധീകരിച്ചാണ് വൈസ് പ്രസിഡണ്ട് സ്ഥാനാർത്ഥിയായി മത്സരിക്കുന്നത്. ഒർലാണ്ടോയിൽ അറിയപ്പെടുന്ന സാമൂഹ്യ സംഘടനാ പ്രവർത്തകനായ അദ്ദേഹം മുൻപ് ഫൊക്കാന ഓഡിറ്ററും ആയിരുന്നു. 1999, 2008 വര്ഷങ്ങളില് ഓര്മയുടെ പ്രസിഡന്റായിരുന്ന ചാക്കോ കുര്യന് ഇപ്പോള് അതിന്റെ അഡ്വൈസറി കമ്മിറ്റി അംഗമാണ്. ലോങ്ങ് ഐലന്റ് കാത്തലിക്ക് അസോസിയേഷന്റെ 1993-1994 വര്ഷത്തെ ഡയറക്ടര് ആയിരുന്നു. ലോക പ്രസിദ്ധമായ അമേരിക്കൻ ടൂറിസത്തിന്റെ സിരാ…
കഞ്ചാവ് (മരിജുവാന) നിയമവിധേയമാക്കാനുള്ള ബിൽ യുഎസ് ഹൗസ് പാസാക്കി
വാഷിംഗ്ടൺ: ഉഭയകക്ഷി പിന്തുണയോടെ, ഫെഡറൽ അടിസ്ഥാനത്തിൽ കഞ്ചാവ് കൈകാര്യം ചെയ്യുന്നത് ക്രിമിനൽ കുറ്റമല്ലാതാക്കുന്ന നിയമം യുഎസ് ജനപ്രതിനിധി സഭ പാസാക്കി. ഇരു പാര്ട്ടികളും 220-204 എന്ന അനുപാതത്തിലാണ് ബില്ലിന് അംഗീകാരം നല്കിയത്. കഞ്ചാവ് (മരിജുവാന) നിർമ്മിക്കുകയോ വിതരണം ചെയ്യുകയോ കൈവശം വയ്ക്കുകയോ ചെയ്യുന്ന ആർക്കും ബില്ലിന് കീഴിൽ ക്രിമിനൽ പ്രത്യാഘാതങ്ങൾ നേരിടേണ്ടിവരില്ല. കൂടാതെ, അത് നിയന്ത്രിത മയക്കുമരുന്നുകളുടെ ഫെഡറൽ പട്ടികയിൽ നിന്ന് ഔദ്യോഗികമായി നീക്കം ചെയ്യപ്പെടും. കഞ്ചാവ് ഉൽപ്പന്നങ്ങളുടെ വിൽപ്പനയ്ക്കുള്ള ഫീസും ആളുകളുടെ രേഖകളിൽ നിന്ന് മുമ്പത്തെ കുറ്റകൃത്യങ്ങൾ നീക്കം ചെയ്യുന്നതിനുള്ള നടപടിക്രമങ്ങളും ഇത് നിർദ്ദേശിക്കുന്നു. “ബിൽ തീർച്ചയായും കാലഹരണപ്പെട്ടതാണ്. എന്നാൽ, മരിജുവാന ഉപയോഗത്തിന്റെ പേരില് ക്രിമിനൽ നിയമങ്ങൾ പ്രയോഗിക്കുന്നതിനോ അല്ലെങ്കിൽ അത് നിയമവിധേയമാക്കാനും നിയന്ത്രിക്കാനുമുള്ള സംസ്ഥാനങ്ങളുടെ അവകാശത്തെ തുരങ്കം വെയ്ക്കാനോ കഴിയില്ല. വ്യക്തിപരമായ തിരഞ്ഞെടുപ്പിന്റെയും പൊതുജനാരോഗ്യത്തിന്റെയും കാര്യമെന്നതിലുപരിയായി ഞങ്ങൾ വളരെക്കാലമായി ഒരു ക്രിമിനൽ നീതിന്യായ പ്രശ്നമായി…
കോട്ടയം അസോസിയേഷന്റെ ആഭിമുഖ്യത്തില് പഠന സഹായ പദ്ധതിയും ചാരിറ്റി ബാങ്ക്വറ്റ് നൈറ്റും
ഫിലഡല്ഫിയ: വടക്കെ അമേരിക്കയിലെ ഏറ്റവും വലിയ ചാരിറ്റി സംഘടനകളിലൊന്നായ കോട്ടയം അസോസിയേഷന്, അതിന്റെ പ്രവര്ത്തന പന്ഥാവില് ഒരു പുതിയ നാഴിക കല്ലിനു തുടക്കം കുറിച്ചുകൊണ്ട് ഏപ്രില് 30നു (ശനി) വൈകിട്ട് 4.30 നു ആരംഭിക്കുന്ന ചാരിറ്റി ബാങ്ക്വറ്റിനോടനുബന്ധിച്ച് പഠന സഹായ പദ്ധതിക്ക് തുടക്കം കുറിക്കുന്നു. കേരളത്തിലെ വിദ്യാഭ്യാസ മേഖലയില് നിന്നും 10 കുട്ടികളുടെ മുഴുവന് വിദ്യാഭ്യാസ ചെലവും അടുത്ത അധ്യയന വര്ഷം മുതല് കോട്ടയം അസോസിയേഷന് ഏറ്റെടുത്തു നടത്തുന്ന ബ്രഹത്തായ ഈ ചാരിറ്റി പ്രവര്ത്തനത്തിന് 6 മാസത്തിലധികമായി ജോബി ജോര്ജ്(പ്രസിഡന്റ്) സാജന് വര്ഗീസ്(ജനറല് സെക്രട്ടറി), ജോണ് പി. വര്ക്കി (ട്രഷറര്) , ജീമോന് ജോര്ജ്(ചാരിറ്റി കോഓര്ഡിനേറ്റര്), സണ്ണി കിഴക്കേമുറി, സെറിന് കുരുവിള എന്നിവരുടെ നേതൃത്വത്തിലുള്ള ഉപകമ്മിറ്റി കേരളത്തിലെ വിദ്യാഭ്യാസ മേഖലയുമായി ബന്ധപ്പെട്ടുള്ള പദ്ധതിയുടെ ആരംഭ പ്രവര്ത്തനങ്ങളെ കുറിച്ചുള്ള കൂടുതല് അന്വേഷണത്തിലായിരുന്നു. പദ്ധതിയെ കുറിച്ചുള്ള വിവരങ്ങള് പഠിച്ച് സമഗ്രമായ…
യുഎസ് വനിതാ നാഷണല് ടീം മുന് ഗോള്കീപ്പര് മദ്യപിച്ചു വാഹനം ഓടിച്ച കേസില് അറസ്റ്റില്
നോര്ത്ത് കരോളിന: യുഎസ് വനിതാ ദേശീയ ടീം മുന് സ്റ്റാര് ഗോള്കീപ്പര് ഹോപ് സോളോ (41) മദ്യപിച്ചു വാഹനം ഓടിച്ചതിനു പോലീസ് പിടിയിലായി. ആല്ക്കഹോളിന്റെ അളവ് പരിശോധിക്കണമെന്ന പോലീസിന്റെ ആവശ്യം നിരാകരിച്ചതാണ് ഇവരുടെ അറസ്റ്റിലേക്ക് നയിച്ചത്. മാര്ച്ച് 31നായിരുന്നു സംഭവം. വിന്സ്റ്റണ് സാലേം ഷോപ്പിംഗ് സെന്ററിന്റെ പാര്ക്കിംഗ് ലോട്ടില് സ്വന്തം കാറിനകത്ത് മദ്യപിച്ചു അബോധാവസ്ഥയിലായ നിലയിലാണ് ഇവരെ പോലീസ് കണ്ടെത്തിയത്. ഈ സമയം ഇവരുടെ ഇരട്ടകുട്ടികള് കാറിന്റെ പിന്സീറ്റില് ഉണ്ടായിരുന്നതായും പോലീസ് പറഞ്ഞു. കുട്ടികള്ക്ക് രണ്ടു വയസ് മാത്രമായിരുന്നു പ്രായം. പോലീസിന്റെ ഉത്തരവിനെ ധിക്കരിച്ചതിനും ചൈല്ഡ് അബ്യൂസിനും ഇവര്ക്കെതിരെ കേസെടുത്ത് ജയിലിലടച്ചു. പിന്നീട് ഇവരെ ജാമ്യത്തില് വിട്ടയച്ചു. ജൂണ് 28നു ഇവര് കോടതിയില് ഹാജരാകണം. 2014 ല് ഇവര്ക്കെതിരെ കുടുംബകലഹത്തിനു കേസുണ്ട്. യുഎസ് ദേശീയ ടീമില് 202 തവണ ജേഴ്സി അണിഞ്ഞിട്ടുണ്ട്. 153 മത്സരങ്ങളില് വിജയിച്ചപ്പോള് ഗോള്വലയം…
പുന്നയൂർക്കുളം സാഹിത്യ സമിതിയുടെ ‘കൃതിയും കർത്താവും’ സാഹിത്യ സദസ്സ് ഏപ്രില് 3 ഞായറാഴ്ച
പുന്നയൂര്ക്കുളം സാഹിത്യ സമിതിയുടെ ആഭിമുഖ്യത്തില് കൃതിയും കര്ത്താവും സാഹിത്യ സദസ്സ് ഏപ്രില് 3 ഞായറാഴ്ച നടത്തുമെന്ന് സാഹിത്യ സമിതി പ്രസിഡന്റ് അബ്ദുള് പുന്നയൂര്ക്കുളം അറിയിച്ചു. ഗ്രന്ഥകർത്താവ് തൻ്റെ പുസ്തകത്തെ കുറിച്ചും, രചനാ സ്മരണകളെ കുറിച്ചും നേരിട്ട് സംസാരിക്കും. പുന്നയൂർക്കുളം സാഹിത്യ സമിതിയുടെ കൃതിയും കർത്താവും സാഹിത്യ സദസ്സ് വായനക്കാരനെ തൻ്റെ വായനാ ഓർമ്മകളിലേക്ക് മടക്കി കൊണ്ടുപോകാനും, വായനയെ പരിപോഷിപ്പിക്കാനുമാണ് ലക്ഷ്യം വെയ്ക്കുന്നത്. എല്ലാ മാസവും ആദ്യ ഞായറാഴ്ചകളിലാണ് പരമാവധി ഒരു മണിക്കൂർ നീണ്ടുനിൽക്കുന്ന ഈ പരിപാടി നടത്താന് ഉദേശിക്കുന്നത്. 2022 ഏപ്രിൽ 3 ഞായറാഴ്ച കൃതിയും കർത്താവും എന്ന സാഹിത്യ സദസ്സിന്റെ രണ്ടാം അദ്ധ്യായത്തില് കഥാകൃത്ത്, നോവലിസ്റ്റ്, ദൃശ്യമാധ്യമപ്രവര്ത്തകന് എന്നീ നിലകളിൽ പ്രശസ്തനായ എബ്രഹാം മാത്യു തൻ്റെ, ഋതുക്കള് ഞാനാകുന്നു എന്ന കൃതിയെ മുൻനിർത്തി സംസാരിക്കും. വൈകിട്ട് 8 മണിക്കാണ് പരിപാടി. പങ്കെടുക്കുന്നതിനുള്ള ഗൂഗിള് മീറ്റ് ലിങ്ക്…
ഹൂസ്റ്റണില് ഡപ്യൂട്ടി ഷരീഫ് മോഷ്ടാക്കളുടെ വെടിയേറ്റ് മരിച്ചു
ഹാരിസ് കൗണ്ടി (ഹൂസ്റ്റണ്): ഹൂസ്റ്റണ് ഹാരിസ് കൗണ്ടി ഷെറിഫ് ഓഫിസിലെ ഡപ്യൂട്ടി ഷരീഫ് ഡാരന് അല്മന്റാറസ് മോഷ്ടാക്കളുടെ വെടിയേറ്റു മരിച്ചു. മാര്ച്ച് 31 വ്യാഴാഴ്ച ആള്ഡിന് വെസ്റ്റ് ഫീല്ഡ് ജൊവീസ് സ്മാര്ട്ട് ഷോപ്പ് പാര്ക്കിങ് ലോട്ടിലായിരുന്നു സംഭവം. സഹോദരിയുടെ ജന്മദിനമായതിനാല് ഗിഫ്റ്റ് വാങ്ങാന് എത്തിയതായിരുന്നു ഡപ്യൂട്ടിയും ഭാര്യയും കുട്ടികളും. കടയില് നിന്ന് ഇറങ്ങിവരുമ്പോള് പാര്ക്കിങ് ലോട്ടില് പാര്ക്ക് ചെയ്തിരുന്ന ഡെപ്യൂട്ടിയുടെ സ്വകാര്യ വാഹനമായ ട്രക്കിന്റെ അടിയില് രണ്ടുപേര് കിടക്കുന്നതായി കണ്ടെത്തി. ഇവര് ട്രക്കിന്റെ കറ്റാലിറ്റിക്ക് കണ്വര്ട്ടര് അഴിച്ചു മാറ്റുകയായിരുന്നു. വാഹനങ്ങളുടെ ഈ ഉപകരണം അഴിച്ചുമാറ്റുന്നത് സാധാരണമാണ്. ഭാര്യയോടു മാറി നില്ക്കാന് ആവശ്യപ്പെട്ടതിനുശേഷം ഡെപ്യൂട്ടി ട്രക്കിനടുത്തേക്ക് നീങ്ങി. പെട്ടെന്നു മോഷ്ടാക്കളില് ഒരാള് ഡപ്യൂട്ടിക്കു നേരെ വെടിയുതിര്ത്തു. ഡപ്യൂട്ടി തിരിച്ചും വെടിവച്ചു. നിരവധി വെടിയുണ്ടകള് ഏറ്റെങ്കിലും ഡപ്യുട്ടി മോഷ്ടാക്കള്ക്ക് നേരെ വെടിവച്ചതില് രണ്ടു പേര്ക്ക് വെടിയേറ്റു വെടിയേറ്റ മോഷ്ടാക്കള് ഓടി…
ആമസോണില് ചരിത്രത്തിലാദ്യമായി ജീവനക്കാര് യൂണിയന് രൂപീകരിക്കുന്നു
ന്യൂയോര്ക്ക്: ആമസോണ് കമ്പനിയുടെ ചരിത്രത്തിലാദ്യമായി ജീവനക്കാര് അവകാശങ്ങള്ക്കു വേണ്ടി സംഘടിക്കുവാന് തീരുമാനിച്ചു. ഫെബ്രുവരി 1 വെള്ളിയാഴ്ചയാണ് ഇതു സംബന്ധിച്ചു തീരുമാനം ഉണ്ടായത്. 27 വര്ഷത്തെ ചരിത്രം തിരുത്തി കുറിച്ചാണ് ന്യൂയോര്ക്ക് സ്റ്റാറ്റന്ഐലന്റ് ജെ.എഫ്.കെ.8 എന്ന് അറിയപ്പെടുന്ന ഫെസിലിറ്റി ജീവനക്കാര് യൂണിയന് രൂപീകരിക്കുന്നതിനനുകൂലമായി വോട്ടു ചെയ്യുന്നത്. ആമസോണില് നിന്നും പിരിച്ചുവിടപ്പെട്ട തൊഴിലാളിയുടെ വിശ്രമമില്ലാത്ത പരിശ്രമത്തിനൊടുവിലാണ് യൂണിയന് എന്ന ചിരകാല സ്വപ്നം പൂവണിഞ്ഞത്. ആമസോണ് ലേബര്യൂണിയനെന്നാണ് പുതിയ സംഘടനക്ക് പേരിട്ടിരിക്കുന്നത്. 8325 ജീവനക്കാരില് നടത്തിയ ഹിതപരിശോധനയില് യൂണിയന് രൂപീകരിക്കുന്നതിനനുകൂലമായി 2654 പേര് വോട്ടു ചെയ്തപ്പോള് 2131 പേര് എതിര്ത്തു. 4785 വോട്ടുകള് സാധുവായപ്പോള് 67 വോട്ടുകള് ചാലഞ്ച് ചെയ്യപ്പെട്ടു. പതിനേഴ് വോട്ടുകള് അസാധുവായി. യൂണിയന് രൂപീകരിക്കുന്നതിനുള്ള തീരുമാനത്തെ എതിര്ക്കുന്നതിനുള്ള എല്ലാ നിയമനടപടികള് സ്വീകരിക്കുമെന്ന് ആമസോണ് അധികൃതര് പുറത്തിറക്കിയ പ്രസ്താവനയില് പറയുന്നു. യുണൈറ്റഡ് സ്റ്റേറ്റിലെ സംഘടിത തൊഴിലാളി വര്ഗ്ഗത്തിന്റെ പുതിയൊരു യുഗമാണിതിവിടെ…
ഈസ്റ്ററിനു മുന്പ് എല്ലാ രൂപതകളിലും ഏകീകരിച്ച കുര്ബാനക്രമം നടപ്പാക്കാന് മാര്പാപ്പയുടെ ആഹ്വാനം
വത്തിക്കാന്: ഈസ്റ്ററിനു മുന്പ് ഏകീകരിച്ച കുര്ബാനക്രമം നടപ്പാക്കാന് എറണാകുളം- അങ്കമാലി അതിരൂപത അടക്കം എല്ലാ രൂപതകളിലും ഫ്രാന്സിസ് മാര്പാപ്പയുടെ ആഹ്വാനം. ഏപ്രില് ഒന്നിന് പുറത്തുവിട്ട കത്തിലാണ് മാര്പാപ്പ മേജര് ആര്ച്ച്ബിഷപ്പ്, മേജര് ആര്ച്ച്ബിഷപ്പിന്റെ വികാരി,എറണാകുളം-അങ്കമാലി അതിരൂപതയിലെ വൈദികര്,സന്യസ്തര്, അല്മായ വിശ്വാസികള് എന്നിവര്ക്ക് ആഹ്വാനം നല്കിയിരിക്കുന്നത്. വിശുദ്ധ വാരത്തിനു മുന്നോടിയായി സഭയ്ക്ക് അയച്ച കത്തിലാണ് നിര്ദേശം നല്കിയിരിക്കുന്നത്. മാര്പാപ്പയുടെ കത്തിന്റെ പ്രസക്ത ഭാഗങ്ങള് ”ഒരു സഭയെന്ന നിലയില് , നാമെല്ലാവരും – മെത്രാന്മാര്, വൈദികര്, ഡീക്കന്മാര്, അല്മായ വിശ്വാസികള് – ആഘോഷിക്കുന്ന രഹസ്യത്തിന്റെ സത്ത മറക്കാന് പലപ്പോഴും പ്രലോഭിതരാകുന്നു: നാം ഈശോയെക്കുറിച്ചു സംസാരിക്കുന്നു, സൈദ്ധാന്തികമായി നമുക്ക് അവിടത്തെക്കുറിച്ച് വളരെയേറെ അറിയാം. എങ്കിലും അവിടത്തോടൊപ്പം ജീവിക്കാന്, അവിടത്തെ ഇഷ്ടപ്പെടാന്, താഴ്ത്തപ്പെടലിന്റെ പാതയും കുരിശിന്റെ വഴിയും അംഗീകരിക്കാന് നമുക്കാകണം. നമുക്കു വിഘടിച്ചുജീവിക്കാനാകില്ല. നമുക്കു വിഭജനം സൃഷ്ടിക്കാനാവില്ല. നമുക്കൊരു വിവാദത്തിന്റെ പ്രഭവമാകുന്നതിനു നിന്നുകൊടുക്കാനാകില്ല.…
ഒഐസിസി യുഎസ്എ സതേൺ റീജിയൻ ഭാരവാഹികളെ പ്രഖ്യാപിച്ചു
ന്യൂയോർക്ക് : ഓവർസീസ് ഇന്ത്യൻ കൾച്ചറൽ കോൺഗ്രസ് (ഒഐസിസി) യുഎസ്എ സതേൺ റീജിയൻ ഭാരവാഹികളെ കെപിസിസി പ്രസിഡണ്ട് കെ.സുധാകരന്റെ ഔദ്യോഗിക അംഗീകാരത്തോടെ ഒഐസിസി ഗ്ലോബൽ ചെയർമാൻ കുമ്പളത്ത് ശങ്കരപ്പിള്ള പ്രഖ്യാപിച്ചു. ചെയർമാൻ: ജോസഫ് ഔസോ (ലോസ് ആഞ്ചലസ്) പ്രസിഡണ്ട് : സജി ജോർജ് (ഡാളസ്) ജനറൽ സെക്രട്ടറി : വാവച്ചൻ മത്തായി (ഹൂസ്റ്റൺ), സഖറിയ കോശി (ട്രഷറർ) വൈസ് ചെയർമാൻമാർ : ജോസഫ് ഏബ്രഹാം (ഹൂസ്റ്റൺ), റോയ് കൊടുവത്ത് (ഡാളസ്) വൈസ് പ്രസിഡന്റുമാർ: പൊന്നു പിള്ള (ഹൂസ്റ്റൺ), ഇ. സാം ഉമ്മൻ (ലോസ് അഞ്ചലസ്) സ്റ്റീഫൻ മറ്റത്തിൽ (സാൻ അന്റോണിയോ),ജോമോൻ ഇടയാടി (ഹൂസ്റ്റൺ), മാത്യു ജോർജ് (പ്രസാദ് – ഒക്ലഹോമ), തോമസ് മത്തായി (അരിസോണ) സെക്രട്ടറിമാർ : ഫിലിപ്പ് മാത്യു (അറ്റ്ലാന്റ്റാ) , രഞ്ജിത് പിള്ള (ഹൂസ്റ്റൺ) ബിബി പാറയിൽ (ഹൂസ്റ്റൺ), ബിജു പുളിയിലേത്ത് (ഡാളസ്), പ്രദീപ്…
