2026 - Page 15 of 595 - Malayalam Daily News

സ്റ്റെല്ല എന്ന പെൺകുട്ടി (കഥ): ജയശങ്കര്‍ പിള്ള

Sep 28, 2026Sep 28, 2026 ജയശങ്കര്‍ പിള്ള

ജോലി സ്ഥലത്തുനിന്നു വീട്ടിലേക്ക് ഇനി അരമണിക്കൂർ എങ്കിലും വണ്ടി ഓടിച്ചേ പറ്റൂ. എന്തായാലും ഒരു കാപ്പി വാങ്ങി കൈയ്യിൽ കരുതാം. നൈറ്റ് ഡ്യൂട്ടി ആയതിനാൽ നല്ല ഉറക്കക്ഷീണവും ഉണ്ട്. ശനിയാഴ്ച രാവിലെയായതിനാൽ നിരത്തിൽ വലിയ വാഹന തിരക്കുകൾ ഇല്ല. സിഗ്നൽ ലൈറ്റ് കഴിഞ്ഞുള്ള പ്ലാസയിലെ കോഫി ഷോപ്പിൽ നിന്ന് കോഫിയും വാങ്ങി യാത്ര തിരിക്കുമ്പോള്‍ ആഴ്ച്ചയവസാനം ലഭിച്ച അവധി ദിനം എങ്ങിനെ, എന്തെല്ലാം ചെയ്യണം എന്നുള്ള ആലോചനയിലായിരുന്നു. വേനലിന്റെ ചൂടൊക്കെ അല്പം കുറഞ്ഞു ശിശിരകാലത്തെ വരവേൽക്കുന്ന തിരക്കിലാണ് പ്രകൃതി, അതുകൊണ്ടായിരിയ്ക്കാം പുലർകാല വെയിലിനൊപ്പം ചെറിയ തണുപ്പ് കാറ്റുമുണ്ട്. കാറിന്റെ ജനാല ചില്ലുകൾ താഴ്ത്തി ഗണേശകീർത്തനനവും കേട്ട് ഡ്രൈവ് ചെയ്യുമ്പോൾ ചൂടുള്ള കോഫി ചോർന്നുപോയി ഊർജ്ജം തിരികെ നൽകുന്നതുപോലെ തോന്നി. വീട്ടിലെ ഡ്രൈവെയിൽ കാർ പാർക്ക് ചെയ്തു ഡോർ തുറന്നു അകത്തു കയറുമ്പോൾ നിശബ്ധത അനുഭഗവപ്പെട്ടു. അവധിയായതിനാൽ ആവാം…

മൂന്ന് ദിവസത്തെ ബാങ്ക് പണിമുടക്ക് അവസാന നിമിഷം മാറ്റിവച്ചു; അഞ്ച് ദിവസത്തെ പ്രവൃത്തി വാരത്തിൽ നിർണായക നീക്കം

Sep 28, 2026Sep 27, 2026 .

കോടിക്കണക്കിന് ഉപഭോക്താക്കൾക്ക് ആശ്വാസം; സെപ്റ്റംബർ 28 മുതൽ 30 വരെ പ്രഖ്യാപിച്ച സമരം പിൻവലിച്ചു — സർക്കാർ ആവശ്യങ്ങൾ അംഗീകരിച്ചോ? അഞ്ച് ദിവസത്തെ ബാങ്കിങ് വാരത്തിന് ഇനിയും അന്തിമ ഉറപ്പില്ല രാജ്യത്തെ ബാങ്കിങ് മേഖല സ്തംഭിപ്പിക്കുമായിരുന്ന മൂന്ന് ദിവസത്തെ പണിമുടക്ക് അവസാന നിമിഷം മാറ്റിവച്ചു. IBA–UFBU ചർച്ചയിൽ ഉന്നതതല സമിതി രൂപീകരിക്കാൻ ധാരണയായതോടെയാണ് സമരം മാറ്റിവച്ചത്. എന്നാൽ ശനി, ഞായർ ദിവസങ്ങൾ സ്ഥിരം അവധിയാക്കി അഞ്ച് ദിവസത്തെ പ്രവൃത്തി വാരം നടപ്പാക്കണമെന്ന പ്രധാന ആവശ്യത്തിൽ സർക്കാർ ഇതുവരെ അന്തിമ ഉറപ്പ് നൽകിയിട്ടില്ല. സെപ്റ്റംബർ 28 മുതൽ 30 വരെ രാജ്യവ്യാപകമായി നടത്താൻ തീരുമാനിച്ചിരുന്ന ബാങ്ക് പണിമുടക്ക് മാറ്റിവയ്ക്കാനുള്ള തീരുമാനം ഇന്ത്യൻ ബാങ്ക്സ് അസോസിയേഷനും (IBA) യുണൈറ്റഡ് ഫോറം ഓഫ് ബാങ്ക് യൂണിയൻസും (UFBU) തമ്മിൽ നടത്തിയ ചർച്ചയ്ക്കു പിന്നാലെയാണ് ഉണ്ടായത്. സെപ്റ്റംബർ 27ന് രാത്രി 9.30ന് IBAയുമായി…

ട്രംപ്–ഷി ഉച്ചകോടിക്ക് പിന്നാലെ വ്യാപാരത്തിൽ നിർണായക നീക്കം; 30 ബില്യൺ ഡോളറിന്റെ ഉൽപ്പന്നങ്ങൾക്ക് താരിഫ് ഇളവിൽ ധാരണ

Sep 28, 2026Sep 28, 2026 .

വാഷിംഗ്ടണ്‍: വർഷങ്ങളായി തുടരുന്ന യുഎസ്–ചൈന വ്യാപാര സംഘർഷത്തിൽ അയവിന്റെ സൂചന നൽകി പ്രസിഡന്റ് ഡൊണാൾഡ് ട്രംപും ചൈനീസ് പ്രസിഡന്റ് ഷി ജിൻപിംഗും തമ്മിലുള്ള നിർണായക കൂടിക്കാഴ്ച. ഇരുരാജ്യങ്ങളിലേക്കുമായി 30 ബില്യൺ ഡോളർ വീതം മൂല്യമുള്ള ‘നോൺ-സെൻസിറ്റീവ്’ ഉൽപ്പന്നങ്ങൾക്ക് കൂടുതൽ അനുകൂലമായ താരിഫ് പരിഗണന നൽകുന്നതിനുള്ള ശുപാർശകളിൽ ധാരണയിലെത്തി. വ്യാപാരത്തിനൊപ്പം കൃത്രിമബുദ്ധി മേഖലയിലും പുതിയ ചർച്ചാ സംവിധാനം ആരംഭിക്കാൻ ഇരുരാജ്യങ്ങളും തീരുമാനിച്ചു. ഷി ജിൻപിംഗിന്റെ മൂന്ന് ദിവസത്തെ യുഎസ് സന്ദർശനത്തിന്റെയും ട്രംപുമായുള്ള ഉന്നതതല ചർച്ചകളുടെയും പ്രധാന ഫലങ്ങളിലൊന്നാണ് താരിഫ് ധാരണ. 11 വർഷത്തിനുശേഷമാണ് ഷി വാഷിങ്ടണിൽ ഔദ്യോഗിക സന്ദർശനം നടത്തുന്നതെന്ന് ചൈനീസ് വിദേശകാര്യ മന്ത്രാലയം വ്യക്തമാക്കി. പരസ്പര ബഹുമാനം, നീതി, പരസ്പരത എന്നിവയുടെ അടിസ്ഥാനത്തിൽ യുഎസ്–ചൈന ബന്ധം കൂടുതൽ സ്ഥിരതയുള്ളതാക്കണമെന്ന നിലപാടും ഇരുനേതാക്കളും മുന്നോട്ടുവച്ചു. വൈറ്റ് ഹൗസ് പുറത്തുവിട്ട വിവരങ്ങൾ പ്രകാരം, യുഎസിൽ നിന്ന് ചൈനയിലേക്ക് കയറ്റുമതി ചെയ്യുന്ന…

‘യുദ്ധം വളരെ വേഗം അവസാനിക്കും,’ ഇടക്കാല തിരഞ്ഞെടുപ്പിന് മുന്നോടിയായി ട്രംപിന്റെ പുതിയ നിലപാട്; ഇറാനെതിരായ പുതിയ ആക്രമണങ്ങളെക്കുറിച്ച് സൂചന

Sep 28, 2026Sep 28, 2026 .

ഇടക്കാല തിരഞ്ഞെടുപ്പ് അടുത്തിരിക്കെ ഇറാനെതിരെ പുതിയ സൈനിക നടപടി ഉണ്ടാകുമോയെന്ന ചോദ്യത്തിന് വ്യക്തമായ മറുപടി നൽകാതെ യുഎസ് പ്രസിഡന്റ് ഡൊണാൾഡ് ട്രംപ്. കൂടുതൽ ആക്രമണങ്ങളുടെ സാധ്യത തള്ളിക്കളയാത്ത ട്രംപ്, സംഘർഷം ഉടൻ അവസാനിക്കുമെന്നും അതോടെ എണ്ണവില കുത്തനെ താഴുമെന്നും അവകാശപ്പെട്ടു. വാഷിംഗ്ടണ്‍: ഇറാനെതിരായ യുഎസ് സൈനിക നടപടികൾ വീണ്ടും ശക്തമാകുമെന്ന സൂചന നൽകി പ്രസിഡന്റ് ഡൊണാൾഡ് ട്രംപ്. നവംബറിലെ ഇടക്കാല തിരഞ്ഞെടുപ്പിന് മുമ്പ് ഇറാനിൽ വീണ്ടും ആക്രമണം നടത്താനുള്ള സാധ്യതയുണ്ടോ എന്ന ചോദ്യത്തിന് ട്രംപ് നേരിട്ടുള്ള മറുപടി നൽകിയില്ല. എന്നാൽ അത്തരമൊരു നീക്കത്തിനുള്ള സാധ്യത അദ്ദേഹം തള്ളിയതുമില്ല. Fox News ചോദിച്ച ചോദ്യത്തിന്, സൈനിക നടപടി സാധ്യമാണെന്ന് സൂചിപ്പിച്ച ട്രംപ് അതുസംബന്ധിച്ച പദ്ധതികൾ പരസ്യമായി ചർച്ച ചെയ്യാൻ താൽപര്യമില്ലെന്ന നിലപാടാണ് സ്വീകരിച്ചത്. പിന്നീട് ഇറാനെതിരെ വീണ്ടും ആക്രമണം നടത്തുന്നതിനെക്കുറിച്ച് ആലോചിക്കുന്നുണ്ടോയെന്ന മാധ്യമപ്രവർത്തകരുടെ ചോദ്യത്തിന്, അത്തരം സാധ്യതകൾ എപ്പോഴും…

വിശ്വാസവും ആരാധനയും: ഗാർഹിക കൂട്ടായ്മകളുടെ പ്രസക്തിയും പൗരോഹിത്യത്തിന്റെ ഉത്തരവാദിത്വങ്ങളും: പി.പി. ചെറിയാൻ

Sep 28, 2026Sep 28, 2026 പി പി ചെറിയാൻ

ക്രൈസ്തവ വിശ്വാസത്തിന്റെ കാതൽ ദൈവവുമായുള്ള വ്യക്തിപരമായ ബന്ധവും, കാൽവരി ക്രൂശിൽ ക്രിസ്തു പൂർത്തിയാക്കിയ രക്ഷാകര കർമ്മവുമാണ്. യേശുക്രിസ്തുവിനെ സ്വന്തം രക്ഷിതാവായി സ്വീകരിക്കുകയും തന്റെ പാപങ്ങൾ ഏറ്റുപറയുകയും ചെയ്യുന്ന ഓരോ വിശ്വാസിയും ദൈവമക്കളായിത്തീരുന്നു എന്ന് ബൈബിൾ സാക്ഷ്യപ്പെടുത്തുന്നു. “എന്നാൽ നിങ്ങളോ ഇരുളിൽ നിന്ന് തന്റെ അത്ഭുത പ്രകാശത്തിലേക്ക് വിളിച്ചവന്റെ സദ്ഗുണങ്ങളെ ഘോഷിക്കാൻ തിരഞ്ഞെടുക്കപ്പെട്ട ഒരു ജാതിയും രാജകീയ പുരോഹിതവർഗ്ഗവും വിശുദ്ധ ജനവും ആകുന്നു” (1 പത്രോസ് 2:9) എന്ന വചനം ഈ സത്യത്തെ അടിവരയിടുന്നു. ഈ പശ്ചാത്തലത്തിൽ, വിശ്വാസികൾ എല്ലാവരും ആത്മീയമായി പുരോഹിതരാണെന്നിരിക്കെ, പ്രത്യേകമായി ഒരു പുരോഹിതവർഗ്ഗത്തിന്റെയോ പ്രത്യേക ആരാധനാലയങ്ങളുടെയോ ആവശ്യം എന്താണെന്ന ചോദ്യം പ്രസക്തമാണ്. ആദിമസഭയുടെ കാലത്ത് വലിയ കൽമറകളോ ദേവാലയങ്ങളോ ആയിരുന്നില്ല വിശ്വാസികളുടെ കേന്ദ്രങ്ങൾ. യേശുക്രിസ്തു തന്റെ അന്ത്യത്താഴത്തിനായി തിരഞ്ഞെടുത്തത് ഒരു ഭവനമായിരുന്നു. “രണ്ടോ മൂന്നോ പേർ എന്റെ നാമത്തിൽ എവിടെ കൂടിവരുന്നുവോ അവിടെ ഞാൻ…

ഭാര്യയുടെ ചികിത്സയ്ക്കായി 81-ാം വയസ്സിലും ലഗേജ് ഡെലിവറി; സഹായ കാമ്പെയ്ൻ നീക്കി

Sep 28, 2026Sep 28, 2026 പ്രസാദ് തീയാടിക്കൽ

ഡാളസ്, സെപ്റ്റംബർ 28: കാൻസർ ബാധിതയായ ഭാര്യയുടെ ചികിത്സാച്ചെലവുകൾക്കായി 81-ാം വയസ്സിലും ലഗേജ് ഡെലിവറി ജോലി ചെയ്യുന്ന ഡോൺ ജോൺസന്റെ കഥ ടെക്സസിൽ ശ്രദ്ധ നേടി. വിമാനയാത്രയിൽ നഷ്ടപ്പെട്ട ലഗേജ് വീട്ടിലെ പടികൾ കയറ്റി എത്തിക്കാൻ ഡോൺ പ്രയാസപ്പെടുന്ന ദൃശ്യം എറിൻ ഹവലിന്റെ ഡോർ ക്യാമറയിൽ പതിഞ്ഞതോടെയാണ് അദ്ദേഹത്തിന്റെ സാഹചര്യം പുറത്തറിഞ്ഞത്. ഭാര്യ ജോസഫിന്റെ ചികിത്സയ്ക്കും കുടുംബച്ചെലവുകൾക്കും പണം കണ്ടെത്താനാണ് ഡോൺ കഴിഞ്ഞ മൂന്ന് വർഷമായി ഈ ജോലി ചെയ്യുന്നത്. 57 വർഷമായി ഒരുമിച്ച് ജീവിക്കുന്ന ദമ്പതികളെ സഹായിക്കാൻ എറിൻ GoFundMe ധനസമാഹരണം ആരംഭിച്ചു. സെപ്റ്റംബർ 24-ഓടെ കാമ്പെയ്‌നിലേക്ക് 2,81,000 ഡോളറിലധികം സംഭാവന ലഭിച്ചതായി പ്രാദേശിക മാധ്യമം റിപ്പോർട്ട് ചെയ്തിരുന്നു. പിന്തുണയ്ക്കും പ്രാർഥനകൾക്കും ഡോണും ജോസഫും നന്ദി അറിയിച്ചു. എന്നാൽ സെപ്റ്റംബർ 25-ന് GoFundMe കാമ്പെയ്ൻ നീക്കുകയും സംഭാവന നൽകിയവർക്ക് പണം തിരികെ നൽകുകയും ചെയ്തു. സേവനനിബന്ധനകളുടെ…

അമേരിക്കയിൽ താമസം മാറിയാൽ 10 ദിവസത്തിനകം വിവരം നൽകണം; കടുത്ത മുന്നറിയിപ്പുമായി യുഎസ് ഇമിഗ്രേഷൻ

Sep 28, 2026Sep 28, 2026 പി പി ചെറിയാൻ

വാഷിംഗ്‌ടൺ ഡി സി :അമേരിക്കയിൽ താമസിക്കുന്ന വിദേശികൾക്കും ഗ്രീൻ കാർഡ് ഉടമകൾക്കും കർശന മുന്നറിയിപ്പുമായി യുഎസ് സിറ്റിസൺഷിപ്പ് ആൻഡ് ഇമിഗ്രേഷൻ സർവീസസ് (USCIS). പുതിയ വിലാസത്തിലേക്ക് മാറി 10 ദിവസത്തിനകം എആർ-11 (AR-11) ഫോം വഴി വിവരം ഇമിഗ്രേഷൻ ഏജൻസിയെ അറിയിക്കണമെന്നാണ് പുതിയ നിർദ്ദേശം. എച്ച്1ബി വിസക്കാർ ഉൾപ്പെടെയുള്ള എല്ലാ വിദേശികളും ഗ്രീൻ കാർഡ് ഉടമകളും ഈ നിയമം പാലിക്കാൻ ബാധ്യസ്ഥരാണ്. പോസ്റ്റൽ സർവീസിൽ വിലാസം മാറ്റിയാൽ ഇമിഗ്രേഷൻ രേഖകളിൽ അപ്ഡേറ്റ് ആകില്ലെന്നും, ഔദ്യോഗിക വെബ്സൈറ്റ് വഴി ഓൺലൈനായി തന്നെ ഇത് ചെയ്യണമെന്നും അധികൃതർ വ്യക്തമാക്കി. നിർദ്ദേശം പാലിക്കുന്നതിൽ വീഴ്ച വരുത്തിയാൽ വിസ അപേക്ഷകൾ തടയപ്പെടുകയോ നാടുകടത്തൽ നടപടികൾ ഉൾപ്പെടെയുള്ള കടുത്ത ശിക്ഷാ നടപടികൾ നേരിടേണ്ടി വരികയോ ചെയ്യാം. നയതന്ത്ര ഉദ്യോഗസ്ഥർക്ക് മാത്രമാണ് ഇതിൽ ഇളവുള്ളത്.

സെന്‍റ് പോള്‍സ് മെന്‍സ് ഫെലോഷിപ്പിന്‍റെയും സെന്‍റ് മേരീസ് വിമന്‍സ് ലീഗിന്‍റെയും സംയുക്ത റീജിണല്‍ മീറ്റിംഗ് ചിക്കാഗോയില്‍ നടന്നു

Sep 28, 2026Sep 28, 2026 വര്‍ഗീസ് പാലമലയില്‍

ചിക്കാഗോ: യാക്കോബായ സുറിയാനി ഓര്‍ത്തഡോക്സ് സഭയുടെ അമേരിക്കന്‍ മലങ്കര അതിഭദ്രാസനത്തിന്‍റെ കീഴിലുള്ള ഭക്തസംഘടനകളായ സെന്‍റ് പോള്‍സ് മെന്‍സ് ഫെലോഷിപ്പിന്‍റെയും സെന്‍റ് മേരീസ് വിമന്‍സ് ലീഗിന്‍റെയും ഒരു സംയുക്ത റീജിനല്‍ മീറ്റിംഗ് സെപ്റ്റംബര്‍ 26-ന് ശനിയാഴ്ച രാവിലെ 10 മുതല്‍ വൈകിട്ട് 4 വരെ ഓക്ക് പാര്‍ക്കിലുള്ള സെ. ജോര്‍ജ് യാക്കോബായ സുറിയാനി പള്ളിയില്‍ വെച്ച് നടന്നു. രാവിലെ പത്തിന് പ്രാര്‍ത്ഥനയോടെ യോഗം ആരംഭിച്ചു. പ്രാര്‍ത്ഥനയ്ക്ക് നോര്‍ത്ത് ലെയിക്ക് സെ. പീറ്റേഴ്സ് പള്ളി വികാരി വന്ദ്യ കോര്‍ എപ്പിസ്കോപ്പ സ്കറിയ തേലപ്പിള്ളില്‍, ഓക്ക് പാര്‍ക്ക് സെ. ജോര്‍ജ് പള്ളി സഹവികാരി വന്ദ്യ കോര്‍ എപ്പിസ്കോപ്പ മാത്യു കരുത്തലയ്ക്കല്‍, ഓക്ക് പാര്‍ക്ക് പള്ളി വികാരി റവ.ഫാ. ലിജു പോള്‍, സെ. പീറ്റേഴ്സ് പള്ളി സഹവികാരി റവ.ഫാ. അനീഷ് സ്കറിയ എന്നിവര്‍ നേതൃത്വം നല്കി. റെജി സേവ്യര്‍ ആയിരുന്നു കീനോട്ട് സ്പീക്കര്‍.…

അമ്മയുടെ ബാഗിൽ നിന്ന് തോക്കെടുത്ത് കളിക്കുന്നതിനിടെ നാലു വയസ്സുകാരൻ വെടിയേറ്റ് മരിച്ചു; മാതാവ് അറസ്റ്റിൽ

Sep 28, 2026Sep 28, 2026 പി പി ചെറിയാൻ

ഫ്ലോറിഡ: ഫ്ലോറിഡയിൽ അമ്മയുടെ ഹാൻഡ്‌ബാഗിൽ സൂക്ഷിച്ചിരുന്ന തോക്കെടുത്ത് കളിക്കുന്നതിനിടെ നാലു വയസ്സുകാരൻ അബദ്ധത്തിൽ വെടിയേറ്റ് മരിച്ചു.കുട്ടിയുടെ അമ്മയായ 29 കാരി ഡയമണ്ട് ഫിലിപ്സിനെ പോലീസ് അറസ്റ്റ് ചെയ്തു. സെപ്റ്റംബർ 23-ന് 10,000 ഡോളർ ജാമ്യത്തിൽ പുറത്തിറങ്ങിയ ഇവരുടെ അടുത്ത കോടതി വിചാരണ നവംബർ 6-ന് നടക്കും. അടുക്കളയിലെ സ്റ്റൂളിൽ കയറി കൗണ്ടറിൽ വെച്ചിരുന്ന അമ്മയുടെ ബാഗിൽ നിന്ന് കുട്ടി .380 കാലിബർ സ്മിത്ത് & വെസ്സൺ പിസ്റ്റൾ എടുത്ത് അബദ്ധത്തിൽ കുട്ടിക്ക് മുഖത്തേക്ക് വെടിയേൽക്കുകയായിരുന്നു. അമ്മയുടെ മേൽ ചുമത്തിയ കുറ്റം: പ്രായപൂർത്തിയാകാത്ത കുട്ടികൾക്ക് എളുപ്പത്തിൽ എടുക്കാൻ കഴിയുന്ന രീതിയിൽ തോക്ക് സുരക്ഷിതമല്ലാതെ സൂക്ഷിച്ചതിന് ഡയമണ്ട് ഫിലിപ്സിനെതിരെ കുറ്റകരമായ അശ്രദ്ധയ്ക്ക് പോലീസ് കേസെടുത്തു. പോലീസ് അന്വേഷണത്തിൽ, തോക്ക് ഹോൾസ്റ്റർ ഇല്ലാതെയും സുരക്ഷിതമാക്കാതെയുമാണ് ബാഗിനുള്ളിൽ വെച്ചിരുന്നതെന്ന് കണ്ടെത്തി. കുട്ടികളുടെ സുരക്ഷയ്ക്കായി തോക്കുകൾ എപ്പോഴും സുരക്ഷിതമായി ലോക്ക് ചെയ്ത് സൂക്ഷിക്കേണ്ടതിന്റെ പ്രാധാന്യമാണ്…

ഇന്നത്തെ രാശിഫലം (28-09-2026 തിങ്കൾ)

Sep 27, 2026 .

ചിങ്ങം : ബാഹ്യലോകത്തിൻ്റെ അനാവശ്യ കൊലാഹലങ്ങളിൽ നിന്നും മാറി സ്വന്തം വ്യക്തിഗത സുരക്ഷിതത്വത്തിലേക്ക് ചുരുങ്ങാൻ നിങ്ങൾ ആഗ്രഹിക്കും. ജോലിസ്ഥലത്ത് തികഞ്ഞ വസ്‌തുനിഷ്‌ഠതയും ഉത്തരവാദിത്തബോധവും പ്രകടിപ്പിക്കും. വൈകുന്നേരങ്ങളിൽ കുടുംബാംഗങ്ങളോടൊപ്പം സന്തോഷകരമായി സമയം ചെലവഴിക്കാനും രാത്രി യാത്രകൾ ആസൂത്രണം ചെയ്യാനും സാധിക്കും. കന്നി : ഇന്ന് നിങ്ങൾക്ക് തികച്ചും മെച്ചപ്പെട്ട ഒരു ദിവസമായിരിക്കും. ഏറ്റെടുക്കുന്ന എല്ലാ ജോലികളും കൃത്യമായും വേഗത്തിലും ചെയ്‌തുതീർക്കാൻ സാധിക്കും. പ്രിയപ്പെട്ടവരുമായി കൂടുതൽ സമയം സന്തോഷത്തോടെ ചെലവഴിക്കാൻ സാധിക്കും. പ്രണയിതാക്കൾക്ക് തികച്ചും അനുകൂലമായ അന്തരീക്ഷമാണ് ഇന്ന് നിലനിൽക്കുന്നത്. തുലാം: നിങ്ങളുടെ കഴിവുകളും നേട്ടങ്ങളും മറ്റുള്ളവരുമായി പങ്കുവെക്കാൻ അവസരം ലഭിക്കും. ഉച്ചയ്ക്ക് ശേഷമുള്ള സമയം തൊഴിൽപരമായ കാര്യങ്ങൾക്ക് വളരെ അനുകൂലമാണ്. വിചാരിച്ച രീതിയിൽ ജോലികൾ പൂർത്തിയാക്കാൻ സാധിക്കുന്നത് വഴി സമൂഹത്തിലുള്ള പദവിയും ബന്ധങ്ങളും വർദ്ധിക്കും. സമയം വേണ്ടവിധം പ്രയോജനപ്പെടുത്തുക. വൃശ്ചികം: നിങ്ങളുടെ വ്യത്യസ്‌തമായ കഴിവുകൾ വഴി പൊതുജനശ്രദ്ധ നേടാൻ…